畫班花絮

10 Apr 15 又係時候上畫班了。畫班老師好好人，媽媽大受感動。事緣畫班一向以年級分班。不過當畫班老師知悉我地無左工人姐姐後，媽媽一日要跑兩轉去畫畫，就每次都會安排兩兄妹同一個時間上堂。媽媽真係好感動架，咁媽咪就唔駛要兩兄妹輪住呆等。

睇下Isaac 畫畫時，幾咁專注。呢幅畫，媽媽真係覺得好靚。

雖然樹熊好似好瘦，但係，呢幅畫既用料，對 Isaac黎講，係新野黎。

 好，輪到年紀細細既Claire。一圈圈畫乜呢？

好專心咁一個又一個圈。

畫班老師話，Claire 每當都好專心，好主動自己做哂所有動作。拒絕人幫佢。係老師眼中，一點就明既醒目女。

又用棉花棒點乜呢？雖然畫功未係好高，但老師可以唔駛逐步理佢，Claire 都應該算係老師歡迎既學生黎既。

每個圖都唔同色配搭架喎⋯⋯

Claire: 媽咪，呢幅蝸牛靚唔靚呀？

原來，係畫蝸牛。真係好色彩繽紛喎。