智樂遊戲＠濕地公園

6 Apr 15 朋友話復活節呢幾日，濕地公園有智樂會搞既攤位遊戲喎。大熱天時，爸爸話照去⋯⋯辛苦哂媽媽，好熱呀。咁熱仲要排⋯⋯好在得幾個人排。

排完咪就玩呢個滑梯囉，Isaac 細細個玩過啦，個時媽媽帶佢係屋企附近玩。個時仲多人排，Isaac 想玩多兩轉都唔得。難得呢度無人排，不過咁熱，玩左兩轉，其實都想快D入公園涼下先。

每次去濕地，必經呢個迷宮。長大了的Isaac 和朋友仔KINGS，已經可以輕易望到條迷宮點行。

家下周圍都興3D。連濕地門口都有⋯⋯不過，Isaac 似唔似坐緊荷葉呢⋯⋯？

又排？喔，原來係邊排隊邊畫畫。又幾好IDEA喎，小朋友排隊實郁黎郁去，而家有D世藝，媽咪排左前面佢都無為意。

Isaac： 媽咪，我畫完啦⋯⋯而家做老師擦黑板。

 玩完一輪，對手變左咁。好在，智樂會安排出黎既粉筆，係有牌子既粗身粉筆。咁媽咪都無咁擔心。

排住畫畫，為左排乜？咪就係想砌呢架車車囉。

兩個好朋友，夾手夾腳砌架木頭車。真係鬥智又鬥力。

登登登凳⋯⋯呢架車就係合兩家人既成品。幾咁勁。

砌完木頭車，呢幾個小朋友又走出戶口砌屋⋯⋯計媽咪話，呢間屋，大灰狼一野就吹冧啦。哈哈。

體力勞動完一輪，我地又走去玩其它野。吖，呢個以前又係智樂會玩過啦，個時Isaac 仲細，好鍾情睇住波波點碌⋯⋯可惜當時人多，幾個小朋友SHARE一條軌，D波就永遠唔會順利到地（因為當時大家搶住放波又隨手執走軌上既波）。而家，Isaac 可惜獨霸一條軌，慢慢欣賞。

Isaac: 究竟點解會碌落去既呢⋯⋯ 

真係逐個波碌到底至再放，慢慢欣賞，好搞笑，好專注。

之後，由爸爸一人帶領去行浮橋。Isaac 個樣，已經熱到變哂⋯⋯

Isaac: 邊個話我熱⋯⋯我舉起隻手咪唔熱囉。

浮橋附近，生有含羞草。大家一齊研究探索。 爸爸最叻係帶小朋友探索大自然。

智樂另一遊戲點，係呢個吹氣海綿。雖然擠擁，但小朋友玩得好開心。

Isaac 都係好守規則玩遊戲。呢方面，自細都好聽話的。

Isaac: 哈哈，我最鍾意摺紙架，不過只有假日至會有得摺。

 時間好晏，人女竹火時候離開。點知離開之後，係正門又見到智樂攤位。爛玩既Isaac 梗係唔放過。

Isaac: 嘩，呢隻好似飛碟咁，會左右擺架！

 媽媽一直好欣賞智樂遊樂會搞既巿區攤位架，好似呢個咁，其實反翻轉，係個玩具爬洞黎，但掉轉，又可以比小朋友當搖搖板咁玩。幾好喎。

兩個小朋友幾咁合拍。同一個方向。

 之後同阿妹玩，一樣合拍。

話咁快，咁又一DAY。又帶住疲倦既身軀回家去⋯⋯呢個復活節，真係好忙呀⋯⋯