環保農莊

5 Apr 15 呢日下午，哥哥比賽完後，我地飛的去元朗，因為約左班朋友仔去環保農莊玩。一去到，每人買左一百蚊玩樂卷。Claire 一見消防車就要玩。點不知人仔細細，坐落去顯得更細粒，哈哈。

架車真既一樣，之不過乜有女消防員既咩？

咁岩復活節，環保農莊有應節掘蛋環節。好在我地人多，包場玩咁滯。不過Claire 唔知點解，玩親遊戲都咁斯文，真係鬥快就變左鬥慢咁。

Claire: hmmm⋯⋯仲有邊度有蛋呢？

 登登登鄧⋯⋯兩個小朋友，邊個掘得多D呢？

呆呆滯滯死撐眼瞓既Claire ，終於捱到玩水戰，成個醒神哂。本來媽媽好好好緊張佢，一來全場最細粒，二來以佢玩遊戲咁斯文既性格，未玩過水戰，實比人恰上心口。所以媽媽不停叫佢揾地方厘埋，唔好比人射。點知Claire 心口生毛咁，一副衝出去既樣⋯⋯嘩，原來全場最勇係呢位小妹妹呀⋯⋯一D都唔驚。仲衝出去射人。真係叫媽媽另眼相看。

Claire: 哈哈，死未？

Claire: 咦，你未濕喎⋯⋯ 

Claire: 嘩，衝呀，射佢⋯⋯

成身濕哂，我地換完衫又玩多陣。人仔細細係都要渣咁大既車。暈～～

都係呢架單車襯Claire 多D⋯⋯

玩完跟住去石崗既德國餐廳食飯，睇下Claire 笑得幾咁開心。玩左半日，之後又有兩個哥哥陪食飯，梗係四萬咁口啦。