無私的 Isaac

24 Apr 15 呢日，Isaac 學完英文好開心咁展示一張大貼紙，張大貼紙大大話話有成四五十小張係上邊。做完功課，忽然見Isaac 話要剪貼紙⋯⋯下，媽媽心諗，你儲幾個月印仔，至可以換到一份小禮物。而家你把幾個月既心血剪開⋯⋯為既係送比同學仔？媽媽真係比佢呢份無私既大愛深深感動。加上，Isaac 平時份人好心急，一心成日諗住玩。但居然為左可以每個同學有一張貼紙，佢食完飯就衝去寫字枱埋頭苦幹咁剪呀剪, 仲要剪到自己眼瞓都唔瞓，死頂眼瞓繼續剪。雖然，媽咪相信，同學仔收到未必開心，因為大家都鐘意食多過貼紙仔。不過，媽媽覺得Isaac 呢份心意，媽咪需要記下，好等佢日後長大成人，知道自己細個時，呢份純真偉大既愛心。媽媽真係好欣賞。媽咪希望Isaac 大個後，仍然咁為人著想。正所謂物輕情義重，呢次Isaac 正正活出黎。