玩水＠環保農莊

5 Apr 15 Isaac 呢日好忙，捱餓踩左大半日去劍擊比賽後，之後趕下場。因為約左朋友仔去玩。我地遲左，大家已經好忙咁各有各玩緊攤位，仔細黎呢D地方就好鬼鍾意玩釣魚既Isaac，今次又話要釣魚。（其實佢想玩沙畫，不過其它小朋友都玩完咁滯，無理由等我地架嘛）

Isaac: 我識釣魚架。

玩完釣魚，我地齊人就出發玩掘雞蛋。睇下，大家幾咁專心搏命揾蛋。

經過一輪拼搏，Isaac 掘到咁大盤蛋。

咁簡單既遊戲，對仲係幼稚園既佢地，都已經好好好開心了。

全日高峰黎了，就係射水。

呢幅相，係未開始玩既時候，兩兄妹既性格，唔需要多加解釋了。

幸好，開始玩時，Isaac 都好投入，唔再怕比人射。

Isaac: 嘻嘻，我離遠射你⋯⋯

Isaac: 好好玩呀，下次再黎吖。

 一大班人，一齊射水，有個好處，就係唔會有箭靶。反而唯一唔識既小朋友 －－橙衣個位。就慘變全場箭靶，好在佢夠強，無爆喊。

玩完水，走去玩車。牛高馬大，會唔會有點唔MATCH呢？

Isaac: 係喎，夾住左喎，哈哈⋯⋯點解架車咁細架？

Isaac: 媽咪，呢架仲細啦。

終於終於，都揾到架同佢身型一樣大既車了。

Isaac: 但呢架好慢呀⋯⋯

因為天氣熱，我地都無BBQ，純粹為左玩水而黎。好在都玩得好盡興。希望下次又可以齊人一齊黎玩啦。