遊車河玩轉360

3 Apr 15 復活節無野做，忽然約左朋友仔一齊去大澳。人算不如天算，食完早餐十點鐘，諗住買半個鐘後既渡輪去大澳，點不知，人龍好長，原來已經賣到中午出發既渡輪了。一聽要等兩個鐘至開船，我地即刻放棄，諗住經陸路去。所以，大家一齊坐巴士出東涌轉車。點不知，呢個假期真係旺到爆，原來東涌排緊隊去大澳既人龍，已經DOU左幾個餅。見到都驚。咁遠水路黎到東涌，無理由即走，唯有揾地方玩下先。就係咁，我地去左東涌OUTLET附近既文東路公園。原來呢度好多外國小朋友，又有唔少外國人鋪蓆坐當郊遊同小朋友玩草地。氛圍幾好。

Isaac: 嘩，睇下我勁唔勁！

爬呢條咁跣既斜台，最考到Isaac。

反而呢塊無咁跣既斜板，Isaac 毫無難度可以爬到頂，可能係佢著短褲關係吧。

呢度設施係比較少見，至少屯門好少呢種遊樂設施。所以，三個小朋友玩得特別開心。

Isaac: 妹妹，開唔開心呀？

膽少既Isaac，出奇地肯爬繩爬到咁高。不過祇此一次。再爬都唔制。

Isaac: 唉，我跑下好過啦。爬都唔會增高既。

Isaac: 跟住玩乜好呢？！

Isaac: 試下爬呢條先。屯門公園都有，不過短D矮D姐⋯⋯

結果？當然係爬唔到最高啦。就係爬到差唔多平時玩開既高度，Isaac 就返轉頭。

Isaac: 乜姐，呢條我爬到呀。

Isaac: 都係撩BB玩安全D，無咁驚⋯⋯

於是乎，就走左去玩唔駛心驚膽跳既玩意。

好在，就走既時候，呢兩條自轉棍終於無人玩，Isaac 同朋友仔可以一試新野。

轉到唔願落黎。不過Isaac 同Claire 兩個不同姿勢，想點。好搞笑。

Isaac: 我轉轉轉⋯⋯

Isaac: 轉完又轉。
Kings: 喂，你轉完未呀？

玩完一輪公園，係時候去醫肚。坐係CUSHION既Isaac，好似顯得係好高咁。唔怪得D人成日以為佢讀緊小學。

食飯時，因為朋友話想上360. 爸爸就好好人，滿足一下朋友意欲，一齊遊車河上去。點知，上到去又濕又大風⋯⋯

Isaac: 嘩，好大風呀～～～吹走我啦。

呢三個小朋友想點？叫影相，忽然三個扮大力士。咁，邊個最似呢？

Isaac: 你唔講我最似，我就出拳打你架。
Kings: 你唔讚我，我扮鬼嚇你架。

之後，我地慢慢撐上呢條長命梯。行到人都索哂氣。

Isaac： 做乜你唔行既？

Isaac: 唉，行到我腳軟呀。

成班傻仔咁，大風大霧，吹到頭髮亂哂。

Isaac: 行足一日，等我恰下先～～～

上到黎，梗係唔係睇大佛啦，而係去坐360.  點不知，條隊話排兩個鐘，真係好恐佈架⋯⋯但上到黎，迫住要排啦。唔排點落山呢⋯⋯

Isaac: 吓，又要排呀！！

於是乎，偉大既爸爸又負責排，我地負責四圍玩。

Isaac: 哈，我型唔型呀？

Isaac: 嘩，呢個面譜人吖⋯⋯好醜呀

Isaac: 哈，你估下我係邊個？

呢日既昂平，大風到不得了。尤其係入夜之後，真係吹到凍。

不過好奇怪，明明唔係新年，但排到近車站呢個位，卻係有一排揮春既物體掛哂係度。

Isaac: 嘩，佢祝我前途無量呀⋯⋯

就係呢四位小朋友，遊足一日街。

Isaac: 嘩，我想拎D爆谷返去食呀～～
Claire: 哇，我唔夠高拎呀～～

終於⋯⋯終於⋯⋯我地排到上車了。睇下平時唔怕凍既Isaac, 要圈埋媽媽既圍巾做頸巾，就知呢個時候，真係凍到乜咁啦⋯⋯而媽媽呢，就凍到落車頭暈。無陰公。