與友共樂的周六

25 Apr 15 之前個日咁岩同同學仔講開，媽媽逢周六會帶兩兄妹去圖書館，所以，即約左兩個同學仔係圖書館見。其實我地都睇左成個幾鐘頭書，童童開始無耐性坐。又未到LUNCH TIME，媽媽就建議上四樓平台玩下。睇下呢三個小朋友幾咁開心。

一個上一個落，大家都好落力咁玩呢條滑梯。

Claire: 哈哈，童童高過我，都唔識上喎。

 三個小朋友，行起條駁，仲係好可愛。可能兩三年後，就唔會覺得可愛了。

之後，齊齊去食LUNCH。呢排Claire 迷上食枝豆。果真係女仔，咁鐘意食菜。

明明食完飯，點知三個一副唔願走既衰樣⋯⋯

㪫㪫： 哎呀，我地唔可以咁快散架，快D諗下辦法，可以點令大人比我地玩耐D啦。
Claire： 咁你坐係度諗啦下。 

㪫㪫： 喂，你地仲唔快D諗下辦法！
Claire: 童童，我地斯文人，諗野唔好坐地。學我咁，撓腳撓手有儀態，一樣諗到架。

最後，見三個玩到唔願走，我地索性去埋會所玩。睇下Claire 幾咁開心。

Claire: 哈哈，終於又有得玩⋯⋯
童童： 唉，頭先又叫人有儀態⋯⋯

玩完一輪，走人時，㪫媽話去食雪糕，於是乎，三個小豆釘又齊齊歡喜咁走去食CREPES。開心死個衰妹啦。

Claire: 乜姐⋯⋯我同你SHARE 架，嗱，你食先吖⋯⋯

 正常有姨姨大叫影張合照時⋯⋯有人忍唔住已經係咁食囉⋯⋯

Claire: 仲影⋯⋯會溶架⋯⋯唔好再影喇⋯⋯

開開心心又一DAY，咁又過左一個周六。如果當年Isaac 好似而家咁，閒時有同學仔出黎玩，咁就好囉⋯⋯其實媽媽個時成日約架，但大家忙於學習，無人出。希望Claire 呢班朋友仔，可以KEEP到好既友誼啦。