貪靚妹陪食飯

18 Apr 15 不知是否四歲長大了，還是開始多左同佢自己既朋友玩，Claire 呢個月起，都好注重自己既儀表。尤其係著衫，以前唔肯著靚裙，而家？唔比媽咪幫佢襯，Claire 堅持要自己選衫自己襯，仲要襯埋手袋⋯⋯由頭襯到落腳。

Claire: 你咁話我，我會好尷尬架喎。

 扮咁靚去邊呢？原來係陪媽咪去食生日飯，話說呢日姨姨請食生日飯，本來哥哥都去既，點知比爸爸引誘左，淨返妹妹陪媽咪。睇下個衰妹食野幾咁LADY。

Claire: 媽咪都係咁細啦，女仔係咁架嘛。

之後，我地ORDER個甜品，姨丈推介有個會噴煙既甜品好得意喎。咁就試下啦，嘩，妹妹個反應仲得意呀⋯⋯ （按此觀看）


23 Apr 15 話說無左工人姐姐幫手後，Claire 日日都要跟住媽咪走黎走去，因為兩兄妹雖然讀同一間幼稚園，不過哥哥成日被學校選去比賽表演，幾乎兩兄妹日日放學時間都唔一樣。咁岩，呢日放學諗住去圖書館做住功課等哥哥時，見到同學仔童童，童童話要去飲茶喎⋯⋯咁Claire 一向抵唔到誘惑，見人去⋯⋯童童媽咪一句話我請埋你去飲⋯⋯衰妹真係點頭跟人走⋯⋯所以，媽咪成日話，呢個女，大個左，好易比人呃走左。真係令人擔心。

Claire: 唔好搞我啦，媽咪會鬧我架。
童童： 我好鍾意恩恩架⋯⋯

童童： 黎啦，望住個邊笑啦⋯⋯
Claire: 我唔望呀⋯⋯

Claire 如果好似哥哥咁，知道自己要做乜，真係想飲茶之前，問左媽咪同意先，而唔係自己跟人走⋯⋯咁你話幾好呢？唔知要教到幾多歲，Claire 至會知自己係某個時刻，應該要做乜呢？