鰂魚涌RYZE

9 Apr 15 復活節假，興起約左朋友仔一齊去跳鰂魚涌RYZE跳彈床。其實本來係約Isaac 同學仔暑假黎，點知個個都驚整親，CANCEL左。所以，約左個一樣唔怕整親既朋友仔一齊黎跳。晨吉咁早，九點至十點係幼兒專區。包安全。趁Isaac 仲未夠六歲，梗係要去朝聖下。我地好準時到，不過朋友仔反而遲到，所以我地跳先。

Isaac: 媽咪，點解我對腳企唔直既？

 平時Isaac 玩開彈床，黎到RYZE，開正佢個範。

Isaac: 媽咪，你知唔知呢個姿勢係代表乜？

 坐跳姿勢，其實係坐係度彈起架，不過咁多綠格，搞到好難睇得清。

呢個場，有一邊係跳落呢堆海綿到，個台都幾高下。媽媽踩左上去諗住試下啦，一望⋯⋯嘩，都係行返落黎好D，哈哈哈。難得Isaac 唔識驚，走去試。

Isaac: 呢個都唔好玩既⋯⋯

 係RYZE，有好幾條斜坡，Isaac 成日爬上去。

Isaac: 媽咪，你睇住囉喎⋯⋯

Isaac: 我SIR⋯⋯

 原來係當滑梯。小朋友真係千變萬化。乜都玩到。

Isaac: 媽咪，我又跳起左啦，睇唔睇到呀，準備分腿呀。

Isaac: 媽咪，勁唔勁呀？

不停跳分腿既Isaac 。Isaac 有度好，就係體育方面，佢會好用心咁試練，總之試到做到為止。希望佢能夠係讀書方面，都有呢個心態，咁就好了。

Isaac: 等我又試下射波先。爭D呀⋯⋯

Isaac: 嘩，好勁呀，我個波可以拋到咁高⋯⋯

 跳左一個鐘，其實對兩兄妹黎講，濕濕碎，腳都未軟。所以，我地反正出到黎，就由朋友仔帶路，去睇消防船. 兩個好少見既小朋友，合照寧舍含蓄。

對於Isaac, 消防船其實無乜吸引力，所以，我地逗留左一陣，就同朋友分手了。之後，媽媽同兩兄妹去下鰂魚涌公園。個子高大既Isaac, 行係呢個，好似已經顯得有點兒孤獨。

Isaac: 唉，都無人陪我玩。

見呢架搖搖船咁多朋友仔，Isaac 又想同人一齊玩，但又唔敢開聲。

最後，都係要同個妹一齊玩。不過睇佢幫手FING千秋，就知 Isaac 其實都好鍾意同妹妹玩，又錫妹妹。真係好抵錫呀，呢個Isaac. 

呢個樣子，令我諗起BB時代既Isaac，又純又聽話。其實而家諗返，Isaac 其實都係一個好聽話既小朋友黎。

Isaac: 好野，媽咪讚我聽話。

 適逢銅鑼灣有IRONMAN展。去完鰂魚涌，我地順道去影張相，不過Isaac 好似醉翁之意不在酒咁囉。

Isaac: 呢個就係我最錫既妹妹啦。
Claire: 多謝哥哥，我錫啖你吖⋯⋯

 之後，我地去食台灣茶木，好在唔駛等位。媽媽點左呢壺水果茶。價錢唔平喎，但唔係好好味道。

Isaac: 但係我覺得應該好好味喎⋯⋯不如比我試下吖。

 黎茶木，其實係想試下呢座雪糕多士，睇下，Isaac 對眼幾咁精神呀⋯⋯

Isaac: 係咩？都唔夠呢個眼神精神掛⋯⋯嘩⋯⋯雪糕雪糕，我食你呀⋯⋯