第一次亦係最後一次幼稚園親子運動會

17 Apr 15 呢日，係學校親子運動會。之前聽聞同K2個時搞既動動運動會既模式係唔同。今年真係親子運動，所以，呢年點都要參加架啦。

未開始，齊齊排隊等⋯⋯好悶呀～～

成班K3就畢業，難得可以同到咁多同學一齊合照。

大家等到悶，唯有自拍下。

今次運動會開始之先，有個熱身運動。就係傳波仔。個波未黎，成班K3幾咁用心合力托好塊紙皮。

Isaac: 嘩⋯⋯就黎啦就黎啦。好緊張呀。

家長都出埋一份力。大家都好投入呀～～

大家齊齊同心望下個波流左去邊⋯⋯

熱身完一輪，終於等到個人賽。出賽前，又同靚女同學合照先。

嘩，跳圈，難唔到Isaac 啦。佢日跳夜跳。呢D真係對佢黎講，濕濕碎。

十足BB時代玩既爬圈。

Isaac: 係囉，咁易既⋯⋯

不過之後，小朋友要拎住條繩踩住罐頭黎行，就好似唔容易。心急既Isaac 初頭都好似行得幾好咁。

Isaac: HM⋯⋯我要小心D先⋯⋯

於是乎，就到終點，因為一個心急，就踩空左⋯⋯

不過個人賽，純粹講開心。大家一人一個牌，得啖笑。

玩完個人賽，又返上台休息。深受女同學歡迎既Isaac，成日都好似傻更更咁，繼女同學一齊影相後，又有女同學坐埋黎搭嗲，不過有人就好專注咁自己玩啦啦球。

Isaac: 嘩，呢個啦啦球轉起上黎閃得好靚架。
巧堯： 我同你講緊野架⋯⋯

巧堯：唉，唔啋人既⋯⋯
Isaac: 究竟係乜原理會咁閃呢？

好在，等待既時候都唔係好耐，話咁快，又到親子合作時間。

嘩，呢張相真係好温馨。好明顯Isaac 好鍾意媽咪，希望佢長大後，入左小學都咁愛媽咪啦。

親子合作環節，有小朋友踩單車。等既時候，又黎多張合照先。咁擺POSE，顯得Isaac 塊面好圓咁TIM。

Isaac: 得未呀？我準備好喇。等左好耐喇。

點親子法？就係媽咪邊跳繩，邊等仔仔踩到黎⋯⋯真正幾廿年無跳繩了。難得今日又要重執繩獻醜。

Isaac: 媽咪，我踩完喇，我跑緊過黎⋯⋯

兩母子幾咁投入⋯⋯影既爸爸都影得好有動感的一張相。

媽咪： YEAH～～～終於完成了⋯⋯

本黎我地呢組係最快，不過臨尾忽然加多左個同學，變左隔離組做哂時，我地要等埋後加的一位同學⋯⋯一句，又輸左。

點都好，呢次係Isaac 第一次正式有親子運動會，亦都係最後一次幼稚園既親子運動會⋯⋯相信 Isaac 呢日都玩得好開心。

之後，我地仲約左妹妹同學仔去會所玩。呢個模樣，好似細細個斯斯文文既Isaac BB咁呀⋯⋯

估唔到，話咁快，BB時代既 Isaac 已經變得牛高馬大。就快做小學生了。