劍擊比賽 － 亞軍

5 Apr 15 呢日假期，不過晨早我地有節目，就係陪 Isaac 去劍擊比賽。其實玩玩下劍擊，Isaac 已經話唔想再玩，因為怕比人篤喎。牛高馬大咁細膽，媽媽真係無佢咁好氣。

話哂都玩左三年劍，今次比賽，真係有哂姿勢架。

雖然玩左三年，但依然係幼兒組，所以初賽只係用膠劍。Isaac 完全唔怕比人篤到痛啦。

Isaac: 咦⋯⋯我要防守吞後先⋯⋯

初賽完左，Isaac 係全勝出，進入決賽。所以，我地只有等等同埋等。幸好，呢個時候妹妹黎到，可以陪哥哥玩一陣劍。

成班細路等待期間無野好做，唯有成個場任跑。

Isaac: 嘩⋯⋯跑快D呀～～

Claire: 哥哥，等埋呀～～

因為Isaac 初賽全數勝出，所以，直接入左去冠亞爭奪戰。成朝打膠劍，忽然間比佢知道係冠亞爭奪仲要上台打。比著媽咪都好緊張啦。所以，呢場，Isaac 完全係睇得出好緊張既情況下去打既。左邊係Isaac. 

爸爸媽媽係台下，越睇越緊張⋯⋯

按此觀看冠亞爭奪第一PART

按此觀看第二PART

緊張完一輪，最後只能屈居第二名。爸爸媽媽都好替Isaac 唔抵呀。因為好幾次可以直接進攻取分，不過Isaac 心理作用影響，唔敢進攻怕比人篤，搞到失分。唉～～

不過，以 Isaac 黎講，佢已經盡左全力去打左大半日。由早上十點捱到成兩點至完，Isaac 已經好叻了。學爸爸話，比賽最重要係盡力認真，今次，Isaac 真係做到了。