第一天返學片段

呢條片係第一天返學， 自己入校門時拍的， 完全無喊過。






呢兩條， 就係臨放學， 校長特淮我地裝兩分鐘咁大把。未返過PLAYGROUP既Claire ， 好似有點一舊木， 唔知做乜咁。好搞笑。

我返學了

15 Aug 13 等到頸長， Claire 終於望到返學呢日了。成日見哥哥返學， Claire 成日都扭計要返。打左兩日風， 估唔到開學日既陪課天無順延。返學時間都無順延。朝早八點幾打去問， 至知原來呢日係已經自己返， 無得陪課， 仲要上堂時間係九點正。嘩， 拿拿臨抱起Claire 換衫出門。

未出門前， 狂忍開心的樣子。

媽媽聽到呢日無得陪課， 其實心諗不妙， 都好陰公姐， 第一次返學， 又未返過乜野PLAYGROUP， 就要自己一人入去返學， 唔知會唔會喊到七彩。

返到校門， 仲好精靈

返入學校片段，另上另一篇BLOG， 因為YAHOO BLOG 而家UPLOAD片真係好煩， 一野會洗哂呢篇打過既字。尤其係要UPLOAD 幾條的話。

放學時間， 校長特淮我地家長係課室裝下佢地～～～兩分鐘咁大把， 真係好大把。唉， 已經無得陪課啦。估唔到Claire 咁快容入左了。
入到課室接放學， Claire Show 比媽媽睇佢支叮噹既玩具， 係學校送既。羊毛出自羊身上， 不過呢招幾好， 氹到小朋友肯一個人上堂嘛。

衰豬Claire 返學前太開心， 聽到返學即唔食早餐， 搞到肚餓啦。放學一見媽媽， 就話要買提子包。好， 買返個包比Claire ， 跟住拎住就甩手走人。呢個女真係吖。

Claire： 行快D， 食包包
Claire：跑呀～～～快D 到車站食包呀

估唔到第一天返學， 無得陪課， Claire 無喊到。好叻女呀。放學問佢有無喊， Claire 答無， 仲指住隔離同學仔話佢有喊。真係老積到不得了。

法式班戟

通常煎呢個CREPE， 都係整完旦糕， 有淡忌廉剩， 又唔想整雪糕時， 就會煎幾塊CREPE， 一人一塊夾住CREAM （當然要打起）黎食。

試過幾個食諎， 發覺都係呢個食譜岩我多D， 易煎無咁易爛， 同埋， 無咁實同厚咁（即好難推開）。呢個食譜， 係外國網址度睇返黎既， 唔知係咪咁， 所以煎出黎真係易推得薄D呢

材料：
半杯低粉
1隻旦
1／4杯牛奶
1／4杯水
原食諎有下牛油， 我無下。因為之前試過一個食諎跟佢落油， 嘩， 煎完出黎感覺好似好油咁（已經無係鑊下油了）

做法：
攪勻以上所有材料， 放雪櫃約半小時攤一攤佢。

用廚房紙巾抺平底鑊掃油（基本上掃一次都夠煎幾塊）。然後下鑊煎， 見面有少許泡， 可反起轉另一邊。另一邊略煎十秒便行。攤涼夾CREAM 同生果一流。

呢碟係陳大少自己唧花同點朱古力既


呢碟， 係媽媽整既。怕肥， 唔敢唧太多CREAM。

除左甜， 仲可以包咸料如芝士吞拿魚等等。

蜜糖比目魚

之前係吉之島買左包比目魚。平時工人會日頭用黎白蒸， 或切碎蒸旦比阿仔食。都幾嘥， 一包比目魚都唔平架， 但阿仔越大越抗拒食魚， 真係要諗下計仔至得。

見呢日有MOOD， 想氹下阿仔食多兩啖， 所以， 親自下廚煮左味蜜糖比目魚。嘩， 兩兄妺爭住食， 媽媽真係開心。蜜糖係一味幾有用既煮食調味黎， 嘩哈哈。

其實呢味餸無乜調味架咋。係臨煮時， 落一湯匙蜜糖撈一撈。臨煎前， 抺些鹽係魚身， 落鑊煎香， 我無抺生粉，但都煎得唔差喎， 無甩骨。煎好後撈起。用老抽（上色用， 可以唔用），生抽， 生粉同鹽加些少水， 煮滾後收細火， 落兩湯匙蜜糖一齊煮。落埋條魚落去。略煮一陣入味咁就食得。係咪好方便快趣呢。

調味詳情無記， 因為煮餸， 一向講感覺經驗。煮得多自然識下幾多豉油糖個D。汁煮多左咪唔好要， 少左咪加多少少豉油同蜜糖， 無相干。總之好一碟易煮又氹到小朋友的餸黎。

超脆薄PIZZA （免揉免搓免發酵）

去意大利餐廳， 最鐘意點PIZZA， 係個種鋪滿哂芝士， 仲要餅底超薄超脆個種， 食完就好滿足。之前揾過兩個食譜整過， 可能材料無抺乾， 定係條方問題， 出黎既PIZZA 似包底（好似PIZZA HUT咁）， 唔係我杯茶。

直到有次， 無意中見到有條方(出自肥丁個網址）， 係免揉免搓免發酵， 仲要話係超脆喎。咁方便， 梗係又試下。咦， 又得左喎。前前後後整左四塊， 都係好脆， 仲要加上之前碌過幾次， 知道要超薄餅底要碌成乜野STATUS， 所以， 用呢條方， 不單止焗出超脆（食完會好熱氣，好似熱氣過食PIZZA HUT咁）， 仲焗到餅一樣既PIZZA呀， 嘩哈哈。

方係抄肥丁， 做法係自己有少少改動， 因為想脆D， 嘻嘻。

跟足肥丁條方係咁既：
高粉 250G
酵母 5G
鹽     3G
砂糖 7G
温水 140G （温度係同人體温差唔多， 用手指插入唔覺熱個種）

做法：
1）先用温水攪溶酵母及糖備用
2）高粉及鹽放大碗， 再倒入1）伴勻。肥丁係寫搓勻的。我無。因為我平時做免揉包， 都係用用具攪勻就算。所以呢次PIZZA都係用用具攪勻。
3）之後， 就把呢堆粉糰分割成差不多大少的六等份（按我超薄的程度， 我係前後食左六塊八寸的PIZZA）但肥丁食譜就話呢個份量係三塊既姐。咁可能我真係碌得好薄了。
4） 分好後， 先取一份碌到薄一薄， 薄到好似紙咁就岩架啦。我發覺好多網址寫5MM個D， 真係唔好信， 焗完出黎呢5MM其實唔係紙咁薄既PIZZA黎。其餘粉糰可用保鮮紙密封包好， 入雪櫃。不過我唔敢雪太耐， 所以個週， 一口氣食左六塊八寸PIZZA。
5）碌平後，用叉插孔，插十下八下都得， 免得批邊遇熱會漲起。 之後放入批盤先用250度低架焗5分鐘。
6）5分鐘後取出， 薄塗一層菜油， 目的係避免茄汁或其它材料令到批底變淋。之後， 再塗茄醬或自己鐘意既餡料落去就得。又係250度放高架焗10分鐘至芝士變色。

第一次用呢條方出既成品， 高架焗10分鐘好似未變金色， 再焗耐少少， 唔記得睇火變左咁燶


不過真係好薄架喎

之後， 食多幾塊， 已經怕熱氣， 尤其係阿仔， 所以， 阿仔話要再整PIZZA時， 都唔敢咁過火。就變左咁既樣。不過依然係好脆


實驗証明， 呢條方如果係先焗 5 分鐘， 再加料再焗， 係可以慳返錢唔駛買PIZZA STONE 或者焗盤的。因為我特登有時用錫紙， 有時用盤，食出黎都係一樣咁脆。真係好似餅咁。最緊要就係材料抺得乾， 呢點就絕對唔可以慳。

打風揾朋友

13 Aug 13 呢日本來係開學日， 點知比個風球一吹， 三號波， 唔駛開學。不過， 事前約左哥哥同學仔玩， 呢個風就無令個約會取消。上邊條片， 係個晚Claire 玩到HIGH 哂既片黎。大個女了， 而家一見滑梯就唔識阿媽。

一入到屋， 好大隻烏龜吸引大家呀。雖然Claire 細粒姐， 但坐左上去， 都顯得好大個咁
好一副姐姐教小妹妹玩玩具既情境
女仔既Claire， 見到隻會叫既豬豬動物係咁HUG住， 好有母愛FEEL呀
呢位千莜姐姐， 好照顧Claire架。兩個一齊坐梳化仔玩樂器
不過年紀小小的Claire ， 到大家玩手鈴時， 就唔岩玩了， 唯有坐埋一邊， 得個睇。

等左成日， Claire 不止一次嗲媽媽話要去會所玩。一落到會所， 未開兒童室門咋， Claire 見到已經HIGH到跑過去要除鞋。跟住仲唔識阿媽咁係咁玩， 媽媽除左鞋無耐咋嘛， 已經見到有位貌似Claire 既小朋友SIR左出黎。你話幾咁快手呢

Claire: 嘩， 好刺激呀， 我又黎過先

睇下， 個百厭妹又趴低SIR出黎。不過後邊跟住既同學仔仲繞埋一舊咁出。真係搞笑

趴住SIR落黎既危險就係咁。好在後邊個位YOYO 姐姐好斯文， 就住Claire ， 唔會一野踢左Claire 落地姐。
呢晚玩得好開心。未返到屋企， Claire 已經係車上想揾周公了。難得可以約埋一班識既同齡朋友一齊玩， 真係好難能可貴呀。

與友共聚

13 Aug 13 放左成個月暑假， 成班小朋友都話好掛住大家喎。所以， 呢日特登就齊人， 一齊玩。上邊條片， 係主人家YOYO媽教同學仔玩奏樂片黎。幾個同學仔夾手夾腳， 砌到個動物園屋企。真厲害。

之後， 主人家YOYO媽， 因為係音樂導師， 所以， 拎左D樂器出黎比大家一齊奏歌仔。

玩完一齊食埋晚飯， 飯後甜品仲有好靚既啫喱。大家其實好心急落去會所玩， 所以大家都好專心食。

嘩， 呢個至係重頭戲呀。成班同學仔期待左一日， 就係呢個。不過， 我地落會所都八點。玩左一個鐘大家都謝哂（無計， 成班識既又尖叫又跳， 好開心。HYPER左一個鐘， 又係晚上九時， 大家都睡魔急CALL了）

呢架就係傳說中好高好大既直昇機。事後， Isaac 問媽媽： 有幾大姐 （真寸）

呢個滑梯出口， 前後係各同學癲!世界， 高峰時間， 有四五個同學一齊SIR落黎。真係好似人肉三文治咁。呢班同學仔真係呢

嘩， 進進又扮暈低啦。又引黎同學仔圍堆扶佢。不過 Isaac 繼續好專心咁玩。其實， 呢晚傳話掛八號波。係三號風球懸掛下， 成11個小朋友集埋一齊，真係好難得大家都咁齊心。而且， 11個小朋友， 成晚無打交無爭野玩。好和平， 真係好生性呀。

開學前出擊﹣﹣屏山體育館室內兒童遊戲室

12 Aug 13 朝早去完天瑞村體育館兒童遊戲室後， 回程反正路經屏山體育館， 所以， 順便入埋去個最新既室內遊戲室放電。呢間係天水圍最新亦都係最細既一間兒童遊戲室黎， 得個660呎。乜都無得玩。唯一個有得爬就係呢舊平台滑梯。有人學BB咁爬爬
百厭星又上身了。
睇下， 未開學已經咁樣， 返左學點得掂
Claire: 好似有人講我壞話喎
Claire: 查實我好斯文架。你睇， 呢個千莜姐姐對我照顧有加。
Claire: 等我都幫返千莜姐姐同哥哥搖。
好一個DO RE MI 既組合。不經意咁行， 不過係有高度層次架。哈哈哈。 玩完就返歸沖涼又一DAY。小朋友真係開心。玩完返到屋企仲有人侍候。可惜媽媽已經返唔到小時候了。

開學前出擊﹣﹣天瑞村體育館室內遊戲室

12 Aug 13 就黎開學， 開學前再度出擊玩盡佢。呢日我地去左天瑞村體育館室內兒童遊戲室。一入到去， 嘩， 有好大個浴缸呀
Claire: 你唔好裝我啦
Claire: 我其實係度游水水呀
Claire: 呢度好迫呀， 哥哥， 你唔好上黎啦
Claire: 我成臉寫住不滿呀， 有無人讀得出呀？
呢間遊戲室另一邊， 係一個滑梯仔。有人好似走去SIR 滑梯。
睇下， 有人扮怪獸叫住咁側SIR
忽然又轉左身
落到地下副口臉仲係怪獸一隻。阿女， 你幾時變到咁架。
Claire: 但比起其它哥哥， 我算乖架喎
好， 睇下又有幾乖先
好明顯又有人唔係SIR 落黎。
仲行到好定咁。
Claire: 哥哥， 你覺得我乖唔乖呀？

呢個情境， 唔知可以維持幾多年呢？ 希望大個之後， 爸媽唔係度， 呢兩兄妹一樣咁相親相愛談心心。

首戰屏山天水圍體育館室內遊戲室

12 Aug 13 因為天暉路體育館兒童遊戲室壞冷氣， 迫於無奈去左天瑞村體育館兒童遊戲室， 玩到一肚氣。走人食飯， 見返屋企路程反正途經屏山天水圍體育館個間兒童室內遊戲室， 就索性帶埋佢地去。呢間係最新既， 亦都係天水圍黎講最細最無野玩既一間。之但係咁， 好在我地咁岩又遇到同學仔， 可以一齊玩到癲， 一樣咁好玩。加埋， 原來呢度雖然係最細既一間， 但比起天瑞村體育館個間室內遊遊室， 屏山體育館室內兒童遊戲室每節入場人數可達16人。而且係唔會有相熟居民坐哂門口同職員打牙較拎定暗飛入場。所以， 我地可以全心去玩每一節， 完場至出去再拎下節既飛。唔會玩到一肚氣。

屏山天水圍體育館兒童遊戲室得660呎， 一眼睇哂架咋。呢個就係最大既平台， 嘻嘻。唔大不過裡邊係最大。
Isaac 一樣可以玩到傁左係咁跑落黎

無野可玩， 一齊玩跳高。
好在同學仔媽咪又醒， 倒轉隻海獅比大家爬爬， 又一新玩意。
同千莜一齊玩， 寧舍開心。Isaac 成日同千莜互傳語音MSG架， 因為成日話要打比千莜， 媽媽梗係唔好意思啦， 所以叫佢留MSG SEND比千莜， 卒之兩個好似情侶仔咁， 傳黎傳去。

Isaac： 媽咪， 我夠高可以煲電話粥咪呀？

其實屏山天水圍體育館係正屏山圖書館同一座（只係唔同𨋢）。所以， 有時間的話， 大可以去完圖書館再黎呢度放一陣電， 咁就VERY GOOD了。好過特登黎到無野玩失望而回。