親子美食製作班

1 Aug 13 呢日我地又晨早去參加防止虐待兒童會搞既親子班。今日係親子美食製作班。雖然起身個時， Isaac 千萬個不願意， 不過， 都無發脾氣， 因為佢知道今日有得食。之前個兩日， 仲係咁問媽媽： 我係咪有得食架？ 真架？ 係咪有朱古力食架？～～～就知呢個小朋友幾咁期待。

一早去到，已經有一盆低粉同牛油等 Isaac 落手搓。

搓完撻皮， 又篤隆隆， 好好玩呀。

撻皮入焗爐期間， 我地又玩下切生果。

Isaac: 媽咪， 點解呢D 火龍果係紫色肉既？ 不停問媽媽， 媽媽答佢， 呢個叫紅肉火龍果。佢就話： 唔係紅色架喎， 紫色架， 你睇下 

好認真咁剖開個紅肉火龍果研究下。


切生果， 好好玩， 大人細路都笑到四萬咁口。

嘩， 撻皮出爐了， 邊個至係 Isaac 搓既呢？

等撻皮涼既期間， 我地不經不覺自製左一杯生果果汁了， 睇下Isaac 幾咁滿足。佢又好錫妹妹喎， 仲話妹妹無得飲咪會喊囉～～～叫媽媽下次帶埋阿妹黎一齊整野食。

嘩嘩嘩， 搽朱古力醬呀， 幾咁落力。同前兩日整手工藝既情緒爭好遠。

搽完朱古力醬， 唧吉士醬。跟住鋪生果係上邊。咁就完成左。簡單的親子遊戲。不過都係杯果汁吸引D。

今次好滿足呀， 又整又拎。拎左四個返屋企。Isaac 仲話好開心TIM。唔知幾時又有呢D親子美食班呢