爸爸牛一

11 Aug 13 爸爸牛一， 之前話左去參觀博物館， 所以， 呢日日頭， 我地去左稻香飲食文化博物館睇。最吸引Claire， 就係呢隻燒味。睇到流哂口水。

Claire: 嘩， 呢隻蝦好似都幾好味咁喎
Claire: 笑～～～我最鐘意同婆婆飲茶茶架， 因為好多野食架嘛
Claire: 食個大包先
Claire: 食完大包， 要返工工呀。比我轉一陣先吖
之後， 我地再去香港文化博物館。抱住Claire 瞓左成個鐘。醒左發現自己係一個遊樂場， 即彈起身去玩。 SIR 滑梯已經難唔到Claire 了。
呢舊其實唔知係乜， 不過Claire 上左去當正彈床咁跳。真係搞笑。
跳完學人有模有樣咁打下鼓。
話咁快就玩完。返歸沖涼同爸爸食返個生日飯賀壽， 祝爸爸身體健康。唔好再咁辛苦工作， 身體要緊呀。