反轉同學會之生日會踩場

4 Aug 13 呢日， Claire 開心囉， 佢最鐘意係乜吖？ 咪就係去街街囉。仲要唔係行超巿個種去街喎， 而係真係去街街。

睇下， 大熱天時跑得咁開心， 就知Claire 有幾咁開心。
原來， 呢朝係出去文化中心陪哥哥睇畫展。因為哥哥拎左銅奬呀。

之後， 我地唔會比Claire 悶悶架， 跟手趕返屋企開生日會。呢次係哥哥同學仔靖靖生日會， 係會所開， 雖然BOOK左間房， 不過有哂氫氣球又有汽球仲有小朋友最愛既波波池， 夠哂佢地玩。仲可以好PRIVATE又好乾淨咁玩波波池， 幾好。

Claire: 等我瞓下波波先
Claire: 我頂帽有無歪到呀？
Claire: 我好滿意呢次既安排呀～～～唔～～雖然我唔係主角， 嘻嘻
Claire: 等我執下波波先

人坐佢又坐， 學埋哥哥同學仔咁玩。仲好落力咁融合同學仔到。唔知佢返學， 會唔會都喊哂口呢？

Claire: 咦， 頭頂個氫氣球仲吸引喎
嘩， 好熱鬧呀， 發生乜事呀？Claire 都要玩埋一份。

咦咦咦， 做乜走哂既D 小朋友？ 原來大家圍埋張枱開餐， 但有人又玩絕食， 寧願玩都唔肯去食野， 跟住發小姐脾氣囉。

無啦啦， 爸爸比左支糖佢食。唔食野又食成支珍寶珠， 乜道理呢？

食到連哥哥班主任同佢影相， 都一於少理。真有性格。呢位班主任真係好好呀， 好有心， 暑假加埋周日， 下午都黎捧場， 仲要坐到走。真係好有心的一位老師。希望莫老師會繼續做哥哥班主任啦。
好， 差唔多夠鐘。我地被邀去隔離會所玩。小朋友真係玩到唔願走。
Claire: 我似唔似媽媽當年騎馬馬個樣呀？