反轉生日會

4 Aug 13 期待已久既靖靖生日會， 終於到了。未放暑假已經係咁話要去靖靖生日會。呢日， 仲著左爸爸係泰國買返黎既蜘蛛衫去生日會TIM。不過， 現場太多氫氣球， 吸引力好明顯大過波波池。
 Isaac: 我拖住隻魚行街街
Isaac: 小朋友， 你有無氫氣球呀？
除左氫氣球， 電視既吸引力都好大， 因為媽媽平時都無開電視既習慣嘛。

終於漫遊左一輪， 落波波池了， 之但係手上仲拎住隻氫氣球。
Isaac: 媽咪， 不如你幫我拎住先吖
嘩， 忽然老師駕到， 開完餐我地同莫老師影返張相先。唔知K2仲係咪莫老師做班主任架嘛。

阿妹都唔執輪， 坐係莫老師大腿上邊， 影埋一份。

Isaac 開始整古做怪了。

Isaac: 嘻嘻， 你地估唔到我係邊個

影完相， 繼續癲玩。

仲學爸爸咁， 拎起波邊黎推。
呢日， Isaac 玩得好開心， 真係多謝哂靖靖媽媽既邀請。走既時候， Isaac 仲不停話再約靖靖去呢個會所玩TIM。係咁話聽日再黎過。小朋友真係好可愛。唔知出年呢日， Isaac 去完靖靖生日會， 仲會唔會咁諗呢？