合唱團表演

3 Aug 13 一年一度公開合唱團表演又到。事前問Isaac 唱乜歌， Isaac 答媽媽話唔知。叫佢唱一次又唔唱。卒之朝早綵排返到屋企， 爸爸黑哂面， 話 Isaac 綵排時唔唱歌不特止， 仲周身郁。真係大失所望， 之前兩次表演， 明明好地地。Isaac 仲好落力既。媽媽估係最近呢半年， 班裡黎左個同學仔都幾不受控， Isaac 又成日痴埋佢度， 最後成日比導師罰佢訓話咁。唔知係咪咁， 搞到 Isaac 開始有少少抗拒唱歌。因為呢位同學仔未加入合唱團前， Isaac 上左兩次台都好落力咁又唱又做動作既。稍後POST返VIDEO， 一對比返就知。

未入場前， 趁無乜人影個BACKDROP， 我地又趁下墟留倩影先
同朋友仔一齊影， 夾都無咁岩， POSE幾乎一樣。
一入去， 就開始拘謹。唔通執定心情控制自己一陣唔好咁落力唱？
上台表演時， 排哂位， 未唱先興𡚒，踏下腳仔。
又抬高頭望下射燈。掩住對眼想點。
好， 開始唱歌， Isaac 今次真係好似爸爸講， 唔係好肯唱。媽媽好在買左好前正中位置， 不停指住自己個口擘大， Isaac 至肯開大少少把口唱歌。就係全程都要媽媽指住個口擘大。唉。
咁睇， 好似又有動作喎
究竟係咪呢？ 
等爸爸返黎UPLOAD返VIDEO 再睇下先。