沙田文化博物館

11 Aug 13 朝早去完稻香飲食文化博物館後， 我地去左M記開餐， 因為虐兒會包午餐， 而火炭工業區周日， 除左M記都無乜選擇。食完飯， 去埋沙田既文化博物館。係第一次去， 原來文化博物館好多野睇架， 一點都唔悶。好睇過稻香飲食文化博物館多多聲。而沙田文化博物館， 對小朋友黎講， 更加係兒童天地。因為地下有半層都係兒童王國黎架。

Isaac: HI HI， 我係美人魚呀， 係水底生活架。見唔見到我側邊好多魚游緊呀？
仲有個港式懷舊玩具閣喎
好大張飛行棋。
有一個好簡單既跳飛機，而家好少係屋村街邊會見到了。
Isaac: 媽咪， 我變左蜻蜓呀
玩左好耐， 媽媽忍唔住趕佢地上去一樓既藝想天開。因為個度仲多野玩。其實一樓好多野睇， 不過媽媽知藝想天開岩小朋友， 所以一上到去， 第一時間入左藝想天開先。

一入到藝想天開， 嘈到爆， 原來入口有個音樂樂器比小朋友玩。真係好嘈呀～～～
咦， 仲有 Isaac 最鐘意既鼓喎。成日同媽媽講話比佢學打鼓， 之但係屯門都無呢D 班。而家有得玩， 梗係要玩下先啦。

玩完一輪， 又走左去另一個CORNER 玩車仔。好大個車場比小朋友爭住玩。
開心時間好快過， 又夠鐘集合回家了。出面仲有其它野玩架， 可惜我地只係玩某一兩個CORNER， 真係可惜。唯有下次自己黎啦。臨走同呢個環保機械人影張相留念算啦。