免費小學暑期班

19 Jul 13 呢日，妹妹自己選左條裙黎著， 話要接Isaac 放學。其實Isaac 放暑假架啦， 不過見佢學校有傳單， 係區內小學搞既FREE COURSE， 咪比佢參加玩下囉。反正只係五日既早上。每日玩完返黎， 都超開心， 係咁追住媽媽話要再報名，係咁問小學係幾時返。

我地呢日特登帶埋妹妹黎睇Isaac 所謂既結業禮。其實， 按幼稚園老師專業意見， 各大小學搞既FREE COURSE， 應參加， 從而了解該校多一點。因為未必間間小學都有開放日喎。

呢間學校， 唔係區內熱門，上網見有人話幾好～～～～WELL，話老師好有禮貌。老實說， 呢間係Isaac 第二間JOIN 既FREE COURSE 小學， 相比之前一間， 呢間的老師都係木口黎。同埋都好似幾無交帶咁。明明張COURSE紙寫19號結業禮， 寫住周六， 但另一行又寫個COURSE 係19號完， 寫住周五。咁即係你個結業禮係周五定周六呢？ 咁都可以發出各大幼稚園， 認真搞笑。到我報名會出席結業禮， 一直無人通知當日點安排， 邊度舉行。打去書記又話有人會打來通知； 返學點名時問， 又話到時係課室舉行， 自己入課室睇。

ANYWAY， 當日去左至算。心諗， 大不了咪唔睇囉。放學時間， 有位老師走到操場叫我地去DANCING ROOM～～～～大佬， 我邊知你DANCING ROOM係邊。好在我追問， 老師至答， 我都會上去～～咁不如老師你一開始講， 請各家長跟我黎呢邊， 上去睇結業禮， 而唔係叫我地去DANCING ROOM 啦。

木口老師加咁既安排加埋張傳單， 我對呢間學校真係好大保留。好， 到所謂既結業禮， 其實係可以SKIP的。只係坐低睇佢地五日既照片同VIDEO節錄。又話會放上網， 大家可以DOWNLOAD返相～～～WELL， 事隔已半個月， 呢間學校所講既FREE COURSE 相， 依然係無既。唯一有既， 就係當日結業禮既相一張可以DOWNLOAD。要多謝呢間學校幫我地影返張正正經經既相。雖然已帶埋工人姐姐， 不過工人真係唔願郁， PAT PAT 痴住張椅就咁影， 影親都係矇哂震相或者Isaac 比人遮住， 想點。所以呢張相， 係呢間學校網址DOWNLOAD既。 雖然佢地安排同老師麻麻地， 但呢五日， Isaac 係好好好ENJOY， 返到屋企仲不停展示佢既勞作， 同埋教媽媽唱歌仔。仲興𡚒過返幼稚園呀。

快快趣趣逐個小朋友出去拎左幾張CERT就走得。老師最後一句係提各位想入讀呢間小學既小朋友， 可以去校務處登記。咁我地就走了， 出巿中心影相好過。

Isaac: 嘩， 好靚呀D 花花

Isaac: 可唔可以拎返屋企架？

Isaac: 我想扮下馬蹓

Isaac: 做下姑厘先

呢張相， 叫好少少正經相了。

唔正經開始黎料， Isaac 去左邊呢～～～

玩開有癮。

好， 上哂小學呢五日既課， Isaac 正式開始佢既SUMMER HOLIDAY 了。媽媽都可以抖下， 唔駛日日趕出趕入湊出湊入咁頻撲。