蒸芝麻旦糕 （附食譜）

屋企有芝麻粉就到期， 要清埋佢。除左用黎做雪芳旦糕， 仲拎左黎做包。仲有， 又係再整旦糕。咁岩呢日周日， 大家病住無乜點食LUNCH，爸爸又話焗野熱氣， 所以，趁大家午睡時， 即急急腳開工整蒸旦糕。睇下， 太陽幾咁唔客氣， 猛烈咁射住， 就知呢日幾咁熱，搞到成頭大汗。好在， 妹妹係咁食，份量整左三個出黎， 我諗大大話話， 阿妹係吞左兩個落肚。雖然爸爸唔吼， 不過， 咀尖尖既妹妹都猛咁食， 証明係好食既。

食譜係網上參考既，個位BLOG友話係試過最鬆軟既一個食譜黎喎。不過本人依然愛食雪芳既質感， 當然， 整雪芳複雜好多好多。

材料（三個杯仔份量）：
低粉 45G
黑芝麻粉 15G
泡打粉 1／4茶匙
旦 1 隻
砂糖 40G
鮮奶 40G
菜油 5G

做法：
1）燒一鍋水， 待滾。篩低粉黑芝麻粉及泡打粉備用。坐暖鮮奶。
2）打發雞旦及砂糖至起泡淺色。
3）慢慢沿盤邊注入少許牛奶。伴勻， 再注入， 分兩三次， 每次需伴勻。之後注入菜油， 伴勻。
4）篩入1）的粉， 伴勻至沒有粉粒 （可分三次篩入， 每次篩入後先伴勻， 這樣比較容易不起粉粒）
5）注入杯中至八九成滿。
6）入鑊以中火蒸15分鐘即成（水滾起計， 所以一開始預時間燒一鍋水）。



註：屋企無錫紙杯， 隨手實驗下焗爐杯得唔得， 咦， 又得左。大家可以慳返唔駛買咁多工具了。同埋呢種焗爐杯， 本身不用杯盤， 不會變形的。又慳返買杯盤錢。嘻嘻。