與同學仔玩水

7 Aug 13 見好天兩兄妹又無病， 一於又去玩。呢日我地去沙灘。仲約左兩個同學仔去TIM。Isaac 大大話話叫讀左兩年書， 不過都係第一次同埋同學仔去沙灘咋。

一如以往， 陳家都係好早就去到， 九點幾去到沙灘了。怕曬吖嘛， 早去早回係媽媽策略黎。同學仔仲未到， 我地自已踢下水玩下先。不過一向怕水既 Isaac 面容扭曲到咁既？ Isaac: 哎呀～～～有水沖埋黎呀
又發脾氣默默無聲， 係 Isaac 最近表達情緒既方法。

媽媽一於少理， 繼續玩。好快又無事衝落海LU

無幾耐， 同學仔黎埋， 即刻唔記得水， 仲一齊玩。

朱朱： 咦， 佢地兩個好醜怪呀

呢張藍天白雲海邊一人照， 媽媽幾鐘意。

拎住同學個篩， 扮篩面粉。

嘩嘩嘩， 兩個做乜咁大陣仗呢？

原來出左去筆水返黎同姨姨洗腳

Isaac: 好好玩呀～～

玩下玩下， 忘記哂被水沖走既恐懼， 繼續落水玩。呢張相媽媽又係好鐘意。

玩完沙， 我地食完飯， 順便去黃金酒店最近PROMOTE緊既THOMAS 影相。好在無特登黎， 原來唔係周日， 無乜好影架咋， 得一架火車仔， 同埋少少佈景咁。一樓既展示廳得一堆火車模型。路經就差唔多。