首戰天水圍天暉路體育館室內兒童遊戲室

5 Aug 13 呢日， 媽媽諗到一個新地方去。放左成個月暑假， 終於唔駛落雨， 兩兄妹又無病， 可以去下玩LU。

諗左一晚， 決定近近地， 去天水圍巿政局個免費室內遊戲室算。唔駛搭車去到巿區吖嘛。仲特登選天暉路體育館個間室內遊戲室， 呢間室內遊戲室暫時黎講係全港最大(巿政局豁下）， 有成三千幾呎架。

仲可以包括每節40人， 幾乎唔駛排隊入去。每節可以玩足一個鐘。好過天瑞村個邊個間。不過上網睇， 就揾唔到個LOCATION。所以打去問， 職員話就係天富站對面。我地係天水圍西鐵站轉706輕鐵， 幾個站就到， 返屋企就搭705返西鐵站。好方便。

嘩， 一入到去， 爬山呀。

呢條係佢地既獨木橋。

不過， 全場最吸引， 係呢個山球。

Isaac 係場內跑兩跑， 就走去爬呢座山。
 好處係唔怕跌， 因為全場鋪哂厚軟墊。好過私人個D PLAYHOUSE， 私人PLAYHOUSE 都係硬墊。

Isaac: 媽咪， 我同妹妹坐船船呀


場內仲有塊哈哈鏡， 不過吸引力好細。Isaac 只係貪得意行埋去照左一次咁大把。

都係自己扮車碌好玩D。

碌埋自己出去。

四歲人仔， 扮BB咁爬地， 為左捉返個碌。

場內夠大， 無啦啦係度不停打筋斗。

Isaac： 好攰呀， 抖陣先

媽媽見到牆上有隻海獅， 叫 Isaac 扮下， 估唔到 Isaac 扮到七情上面。好明顯去得海洋公園多， 識伸手伸脷仲有伸腳。好勁呀。

我地前前後後玩左三節， 即係50分鐘X3。嘩， 好攰呀。雖然望落無私人PLAYHOUSE咁多設施。不過， 對於我地住深山黎講， 真係好方便， 而且又唔多人。以後放假都可以黎放下電LU。
 Isaac: 攰到我想抖下呀～～～

走個時， 媽媽問兩兄妹好無玩， 兩人不約而同大呼好玩。咁下次一定要再黎啦。況且黎呢度， 大人好舒服， 唔駛爬上爬落， 私人PLAYHOUSE要架嘛， 仲要烏哂身陪大少爬， 骨頭硬好辛苦。呢度一眼望哂。貼身跟住就得。正。如果屯門都有， 就更加好了。